لوجيت لك في يوم وانت متضايـق
خذني سبب في فرحتك عن تضايقك
انا عشانـك طـول الايـام رايـق
وارهن حياتي لاجل اجي لك واروقك
وانته بعيني غيـر كـل الخلايـق
سبحان من صورك سبحان خالقـك
ياللي علـى كـل الغناديـر فايـق
اوصافك الحلـوه عليهـم تفوقـك
يحفظك ربي من سبب كـل عايـق
وعن وصل خلك يالغـلا مايعوقـك
الحب لـه بيـن الحنايـا وثايـق
والقلب شالك في صميمـه ووثقـك
والعين لك تشتاق والقلـب شايـق
ان كان بعدي صوب قربي يشوقـك
العمـر مـره والوناسـه دقـايـق
عطني دقايق ثابته من دقايقـك>>